புதுமை பாரதி

சுட்டும் விழி சுடர் தான் - கண்ணம்மா
சூரிய சந்திரரோ

வட்டக் கரிய விழி - கண்ணம்மா

வானக்கருமை கொல்லோ

பட்டுக்கருநீல புடவை 

பதித்த நல்வைரம் 

நட்டநடுநிசியில் தெரியும்

நட்சத்திரங்களடி

சோலைமலர் ஒளியோ - உனது

சுந்தரப்புன்னகைதான்

நீலக்கடலலையே - உனது

நெஞ்சின் அலைகளடி

கோலக்குயில் ஓசை - உனது 

குரலின் இனிமையடி 

வாலைக்குமரியடி - கண்ணம்மா 

மருவக் காதல் கொண்டேன்

சாத்திரம் பேசுகிறாய் - கண்ணம்மா

சாத்திரம் ஏதுக்கடி

ஆத்திரம் கொண்டவர்க்கே - கண்ணம்மா 

சாத்திரம் உண்டோடி

மூத்தவர் சம்மதியில் - வதுவை 

முறைகள் பின்பு செய்வோம்

காத்திருப்பேனோடி இது பார்

கன்னத்து முத்தம் ஒன்று...